Heutheux est l'chein d'tchi les contraventions sont pardonnées, d'tchi les péchés sont couèrts! Heutheux est l'chein d'tchi l'péché l'Seigneu n'compte pon contre, et tchi n'a pon d'menn'tie dans l'esprit. Quand jé n'dîthais mot, m's os vîndrent vieillis, j'geignais toute la journée, ch'est en tchi niet' et jeu ta main b'sait sus mé, ma forche 'tait affouaiblyie coumme dans la caleu d'l'Êté.
J't'èrconnus man péché et n'muchais d'aut' ma mauvaîtchi. J'dis, "J'avouêthai mes contraventions au Seigneu." Et tu pardonnis la faute dé man péché.
Ainchîn qu'touos les fidèles té prient aussi longtemps qu'tu'es près dg'ieux. À la grande mathée, l's ieaux pouor lé seux n'les aveindront pon. Tu'es ma muche; tu m'protég'geas d'la dêtresse. Tu m'entouoth'thas d'chants dé d'livrance.
Jé t'ensîngn'nai et t'apprendrai par ioù aller; jé t'consil'lai et j'gardéthai l'yi sus té. Né séyiz pon coumme un j'va ou eune mule tchi n'ont pon d'entend-tu. Nou les bride auve un mors et un bridot à seule fîn qu'i' veingent à té. Y'a un amas d'peines ès malîns, mais l'chein tchi s'fyie au Seigneu est entouothé dé s'n amour. Vous les justes, rêjouiss'-ous dans l'Seigneu et séyiz heutheurs! Chantez, touos vous tch'ont les tchoeurs draits!
Viyiz étout: