Pouortchi qu'les nâtions conspithent et qu'les peupl'yes compliotent en vaine? Les rouais d'la tèrre lus souôlèvent et les gouvèrneurs veinnent dé pathe contre lé Seigneu et contre sén Onguenné, en dîthant:
"Bûchons lus chaînes et d'senhalaûdons-nous-en!"
Lé chein tchi siège dans les cieux rit; lé Seigneu s'en moque. I' les lichonne dans s'n èrgolinne, et les tèrrifyie dans sa mârrisson, en dîthant:
"J'ai jutchi man rouai sus Sion, ma sainte montangne."
J'procliâm'thai la c'mande du Seigneu: i' m'a dit, "Tu'es man fis; aniet j'sis dév'nu tan péthe. D'mande-mé et jé t'bârr'rai les nâtions en héthitage, et les buts d'la tèrre en ta propriêté. Tu les gouvèrnéthas atout un scèpt' en fé; tu les mettrais en mînchons coumme des tés d'pot'tie."
Achteu don, les rouais, séyiz esprités; séyiz dgèrnis, gouvèrneurs dé la tèrre. Sèrviz l'Seigneu auve d'la crainte et célébrez san règne auve d'la trembliéthie. Embraichiz san fis, ou bein i' s'sa mârri et tan c'mîn mèn'na à la ruinne, ch'est en tchi sa mârrisson veint vite à fliamber. Heutheurs sont les cheins tchi lus abrient en li.
Viyiz étout: