Ai pitchi d'mé, oh Dgieu! Ch'est en tchi m's enn'mîns sont souotre mé; toute la journée i' m'font la dgèrre. Mes advèrsaithes mé vengent toute la journée; dans lus ordgi y'en a hardi tchi m'attaquent. quand j'ai peux, jé m'fyie à té. Au Bouôn Dgieu d'tchi j'louange la pathole, au Bouôn Dgieu jé m'fyie et j'n'ai pon d'peux. Tch'est qu'des sîmpl'yes mortels peuvent mé faithe? Toute la journée i' teurquent mes propos, touos lus compliots sont pouor ma ruinne. I' compliotent, i' snînquent, i' r'gardent ioù qué j'vais, en espéthant d'm'en haler la vie. Par cause dé lus mauvaîtchi n'les laîsse pon lus êcapper; dans ta mârrisson, oh Dgieu, pique bas les nâtions. Èrcorde ma mînséthe; mets bas mes lèrmes sus tan rouôlot - né sont-i' pon dans tan r'cord? Épis m's enn'mîns r'brouss'sont c'mîn quand j'criethai pouor dé l'aîgue. Par chennechîn j'saithai qu'lé Bouôn Dgieu est pouor mé. Au Bouôn Dgieu, dé tchi j'louange la pathole, au Seigneu dé tchi j'louange la pathole - au Bouôn Dgieu jé m'fyie et j'n'ai pon d'peux. Tch'est qu'l'houmme peut m'faithe? J'sis voué à té, man Dgieu; j'présent'tai mes sacrifices d'èrmèrciements à té. Ch'est en tchi tu m'a d'livré d'la mort et tu'as garder mes pids d'trébutchi, S seule fîn qué j'piêsse marchi l'avant au Bouôn Dgieu dans la leunmiéthe d'la vie.
Viyiz étout: