Ouai-mé, man Dgieu, coumme jé m'pliains; protège ma vie contre la m'niche dé l'enn'mîn. Muche-mé d'la conspithâtion des malîns, des compliots des malfaiteurs. Il' adguchent lus langues coumme des sâbres, et mithent des cruels mots coumme des èrchelles fatales. I' tithent en muche ès înnouothants; i' tithent d'un co, sans peux. I' lus entr'-encouothagent dans des plians malîns, i' pâlent dé muchi lus pièges; i' dîthent, "Tchi qui nos vèrra?" I' compliotent dé l'înjustice et dîthent, "J'avons grée un parfait plian!" L'esprit et l'tchoeu dé l'houmme sont pouor lé seux scouotres. Mais l'Bouôn Dgieu les tith'thont atout d's èrchelles, et les v'là d'un co adèrchis. I' r'touônn'na contre ieux lus propres langues et les mèn'na à la ruinne; touos les cheins tchi les vaient châqu'thont lus têtes en sgornant. Tout l'monde s'sont saîsis d'peux; i' publiéthont chein qué l'Bouôn Dgieu fait et considéth'thont san travas. Les justes lus rêjouithont dans l'Seigneu et lus abriéthont en li; touos les cheins tch'ont l'tchoeu drait lus en glorifiéthont.
Viyiz étout: