Lé peûle dit dans san tchoeu, "N'y'a pon d'Dgieu." I' sont corrompus, lus faits sont vils; i' n'en est autchun tchi fait l'bein.
Lé Seigneu r'garde en bas du Ciel sus toute l'humannité pouor vaie s'i' y'a autchun tchi comprend, autchun tchi chèrche lé Bouôn Dgieu. Touos lus sont dêtouônnés, touos sont v'nus corrompus; i' n'en est autchun tchi fait l'bein, même pon iun.
Ches malfaiteurs, ch'est-i' qu'i' n'en savent rein? Il' engaûment man peupl'ye coumme s'i' mangent du pain; i' n'appellent janmais au Seigneu. Mais les v'là à tremblier d'peux, quand l'Bouôn Dgieu est présent dans la compangnie des justes. Vous, les malfaiteurs, ou contrathiez les plians des pouôrres gens, mais l'Seigneu est lus abri. Oh, qu'lé salut d'Israël sorte dé Sion! Quand l'Seigneu r'graie san peupl'ye, qué Jâcob sé rêjouisse et Israël sait heutheux!
Viyiz étout: