Ouai man cri, oh Seigneu, êcoute ma priéthe. Des fîns fonds pèrdu d'la tèrre j'té crie, quand man tchoeu est failli. Amène-mé au rotchi tch'est pus haut qu'mé, car tu'es man r'fuge, eune forte tou contre l'enn'mîn. Laîsse-mé d'menther dans ta tente à tout janmais, m'èrfugier à l'abri d'tes ailes. Ch'est en tchi, oh Dgieu, tu'as ouï mes voeux; tu m'as bailli l'héthitage des cheins tch'ont peux d'tan nom. Qu'lé rouai vive, qué ses années enduthent avaû toutes les généthâtions! Qu'i' règne tréjous aupi du Bouôn Dgieu, qué t'n amour et ta fidelité l'prêsèrve. Dé même jé chant'tai tréjous des louanges à tan nom, en t'nant bouôn à mes voeux châque jour.
Viyiz étout: