Alléluia! Louangiz Dgieu dans les cieux,
Louangiz-lé dans les haûteurs!

Louangiz-lé, touos ses messagièrs,
Louangiz-lé, toutes ses armées!

Louangiz-lé, leune et solé,
Louangiz-lé, êtailes d'la niet!

Louangiz-lé, cieux des cieux,
Et l's ieaux au d'ssus des cieux!

Qu'i's louangent lé nom dé Dgieu,
I' c'mandit et i's fûtent créés!

I' l's êtablyit s'lon sa louai
Tchi duth'tha pouor tréjous et à janmais!

Louangiz Dgieu d'la tèrre,
Monstres d'la mé, et l's avanteurs!

Feu et grile, né et hathîn,
Grands vents tchi sèrvent sa Pathole!

Montangnes, touos les monts,
Arbres à frit et touos les cèdres!

Annimaux sauvages, et l'bestchias,
Bêtes tchi grappinnent, et ouaîsieaux tchi volent!

Rouais d'la tèrre, touos les peupl'yes,
Prînces, et touos les gouvèrneurs d'la tèrre!

Jannes hoummes, et hardelles,
Les vièrs auve les êfants!

Qu'i's louangent lé nom dé Dgieu! San nom seul excelle!
Sa glouaithe est par d'ssus la tèrre et l'ciel!

I' hauche la forche d'san peupl'ye, et ses parchonnièrs,
L's êfants d'Israël, l'peupl'ye d'ses avièrs
Sont fièrs!
Alléluia!