À té, Seigneu, j'appelle; tu'es man rotchi! Né m'reste pon ouait-haut, sénon s'tu reste sans m'rêpondre jé s'sai coumme les cheins tchi d'valent dans la fôsse. Êcoute man brai pouor lé pitchi coumme j't'appelle pouor dé l'aîgue, coumme jé m'lève les mains à tan sanctuaithe. Né m'emporte pon acanté les malîns et les cheins tchi font l'ma, tchi pâlent dé paix auve lus vaîthîns mais tch'ont la malice dans l'tchoeu. Rends-lus s'lon lus faits et pouor lus mauvaîtchi; rends-lus s'lon chein qu'lus mais ont fait, et bâle-lus chein qu'il' ont méthité. Par cause qu'i' n'ont pon r'mèrtchi les faits du Seigneu et chein qu'il a grée atout ses mains, i' les renvèrquétha et n'les r'lèv'tha d'aut'. Béni sait l'Seigneu, car il a êcouté man brai pouor lé pitchi. Lé Seigneu est ma forche et m'n êtchu; man tchoeu s'fyie en li et i' m'aîgue. J'ai d'la jouaie dans man tchoeu et jé l'louange par mes chants. Lé Seigneu est la forche dé san peupl'ye, eune fortéresse dé salut pouor sén onguenné. Sauve tan peupl'ye et bénis t'n héthitage, sai lus gardeux d'brébis et souôtcheins-les tréjous!
Viyiz étout: