Lé Seigneu règne, qué les nâtions trembl'yent; il est assis sus san trône entre les chérubîns, qu'la tèrre châque. Lé Seigneu est grand dans Sion; il est louangi au-d'ssus touos les peupl'yes. Qu'i' louangent tan grand et excellent nom! Il est saint! Lé Rouai est piêssant, il aime la justice - tu'as êtablyi la souôt'nue; tu'as grée en Jâcob chein tch'est juste et bouôn. Louangiz l'Seigneu not' Dgieu et prostèrn'-ous l'avant à sa scabelle - il est saint! Moïse et Âron 'taient parmi ses prêtres, Samuel 'tait parmi les cheins tch'app'laient san nom; il' app'lîdrent au Seigneu et i' lus rêponnit. I' lus pâlit d'dans la colonne dé nues; i' gardîdrent ses c'mandements et les louais qu'i' lus baillit. Seigneu not' Dgieu, tu lus rêponnis: tu fus pouor ieux un Dgieu tchi pardonne, mais tu l's as peunni lus fautes. Louangiz l'Seigneu not' Dgieu et prostèrn'-ous à sa sainte montangne, ch'est en tchi l'Seigneu not' Dgieu est saint.
Viyiz étout: