V'nez, chantons d'jouaie au Seigneu; briyons à haut au rotchi d'not' salut. V'nons l'avant à li auve des r'mèrciements et louangeons-lé atout d'la musique et d'la chanson. Ch'est en tchi l'Seigneu est l'grand Dgieu, l'grand Rouai au-d'ssus d'touos les dgieux. Dans sa main i' tcheint l's avanteurs d'la Tèrre, et les copieaux des montangnes li'appartcheinnent. La mé est à li, car i' l'a grée, et ses mains ont grée la tèrre étout. V'nons nos prostèrner en louange, ag'nouoillons-nous l'avant au Seigneu not' Griyeux! Ch'est en tchi il est not' Dgieu, et j'sommes lé peupl'ye dé san pâtuthage, lé troupé qu'i' souongne. Aniet, s'ou seul'ment ouïyêtes sa vouaix! N'endueûrchissiz pon vot' tchoeu coumme à Mériba, coumme chu jour-là à Massa dans lé d'sèrt où'est qu'vos anchêtres m'êprouvîdrent, m'êcanchîdrent ouaithe qu'i' vîssent chein qu'j'avais fait. Pouor quarante ans j'tais mârri contre chutte généthâtion-là: j'dis, "Ch'est un peupl'ye dé tchi l'tchoeu est êdgéthé, et i' n'ont pon connu mes c'mîns." Ainchîn j'juthis dans ma mârrisson: "I' n'entréthont janmais dans man r'pos".
Viyiz étout: