Lé Seigneu est grand et hardi dîngne des louanges, dans la ville dé not' Bouôn Dgieu, sa sainte montangne. Bé dans sa haûteu, la jouaie d'toute la tèrre, coumme lé haut mont Zaphon est l'Mont d'Sion, la ville du grand rouai. Lé Bouôn Dgieu est dans ses palais; i' s'est mouontrée êt' sa forche. Quand les rouais lus assemblyîdrent, quand i' lus avanchîdrent ensembl'ye, i' l'vîdrent et fûdrent êmèrvilyis; i' happîdrent la pathe, tèrrifiés. I' fûdrent saîsis du trembliot, dé douleu coumme la cheinne d'eune femme à porter un êfant. Tu l's achouêmis coumme les navithes dé Tarsis naûfragi par un vent d'Êst. Coumme j'l'avons ouï, j'l'avons veu dans la ville du Dgieu Tout-Piêssant, dans la ville dé not' Bouôn Dgieu: Dgieu la renforche à janmais. Dédans tan templ'ye, oh Dgieu, j'pensons à t'n amour tchi n'manque janmais. Coumme tan nom, oh Dgieu, ta louange aveint ès buts d'la tèrre; ta main dêtre est remplyie d'justice. Lé Mont Sion s'rêjouit, les villages dé Judâ sont heutheurs par cause dé tes jugements. Marchiz l'tou d'Sion, faites-en l'tou, comptez ses tours, contempliez ses remparts, èrgardez ses palais, qu'ou piêssiez les raconter à la généthâtion tchi veint. Ch'est en tchi chu Dgieu est not' Dgieu à tout janmais; i' s's not' dgide véthe jusqu'à la fîn.
Viyiz étout: