Les Pages Jèrriaises

Ès pliaîsièrs et rôsièrs d'la mauvaîtchi:

Ès pliaîsièrs et rôsièrs d'la mauvaîtchi:
la pièrcheûs'sie d'pavots et plieunmes dé paon,
à la tout fîn sans c'mînsole enronchie
d'lèvres, êpaûlettes, baîsièrs, et pouques à vent...
Vend-té, m'n èrvend'rêsse, prend ma pièche d'êtchu.
Chenna couôte chi d'aliétchi, d'entablier,
d'plianter des sâbres d'la Vièrge, des belles-toutes-nues,
et des tulipes dans un gardîn cliavé.
Veins m'êpaûler, ag'nouôle-té souos ches paues.
Les lis et iliets d'falaise fiôlent du ma;
lus péchés pièrcheûsent, flieuthis d'arfûtchieaux,
et l's êpèrvenches lus rempouquent dé clyînclias.
J'y sis êtrueûlé sus ches cauds couossîns,
sâbré d'ta langue tchi lit, d'tan dêbroussîn.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises