|
Auve l'ieau du dou touônnée en vîn, ma langue est ouâchinnée. Tout l'tou dans l'pa'l'touoilli, jusqu'au matîn j'y prêche d'eune niétchie d'liques et clyîns en bêclian. Cantée d'bort' en aut', ma langue crouaîse d'un d'vis avaû l'dou, et j'touônne mes pénîns dans ma paûte contre un chorchi - crianche niau-niaute! J'valse acanté des mots tchi saût- -icotent; j'fai des bieaux-bieaux atout eune langue vithabl'ye coumme tchique ouéthou ès patholes ieau-d'viesées dé v'lîn. Gence-té, mais! J'dis qu'tout r'est changi: chutte tèrre pèse mains qu'un brîn d'ponsi.
|
Chutte poésie fut êcrite pouor la Journée d'la Poésie 2018 tch'avait coumme thème lé changement. La vèrsion siêthante d'la poésie a 'té changie atout la gamme dé N+7: Ch'est eune gamme littéthaithe dé patholes jouée sustout par la dgaîngue d'auteurs tch'a nom Oulipo (Ouvroir de littérature potentielle). Chutte dgaîngue fait sèrvi des gammes et des règl'yes pouor l'êcrithie et la graiethie d'nouvelles formes et nouvieaux textes par lé hâsard, la transformâtion et la restriction. La transformâtion app'lée S+7 (ou N+7) change un texte en rempliaichant châque pathole tch'est granmaticalement un nom (N) d'auve eune aut' pathole tch'est un nom tchi la siet sept entrées pus bas (+7) dans l'dictionnaithe.
|
Auve lé liet d'la doubl'ye clié touônnée en violence, ma lapinn'nie est ouâchinnée. Tout l'tou dans la rôsée d'pânnais, jusqu'à la maturité j'y prêche d'un nioleux d'lîsons et clyînmatîsâtion en bédanne. Cantée d'bostchulement en aut', ma lapinn'nie crouaîse d'un èbe avaû la doubl'ye clié, et j'touônne man péntch-é-bec dans man paveux contre un chou-flieur - cricots niau-niaux! J'valse acanté des motons tchi saût- -icotent; j'fai des bigornes atout eune lapinn'nie vithabl'ye coumme tchique ouognon au patouîn ieau-d'viesé dé v'nue. Gence-té, mais! J'di qu'tout r'est changi: chutte tèrrinne pèse mains qu'eune brîng'gie d'porcélaine. |
Viyiz étout: