Les Pages Jèrriaises

Lé pigeon dêmênage: la tchaîthe, l'armouaithe

Lé pigeon dêmênage: la tchaîthe, l'armouaithe,
la tabl'ye dispathaissent mithatchuleusement;
la discontinnueûthie a laîssi driéthe
eune souoil'ye tchi trisonne lé meubl'ye et san hant.

Avaû lé c'mîn galoté, les scabelles
vont hâmp'chinnant. Lé drécheux droque un viage.
Eune ramée d'lyits dgéthotent sus les tripselles.
Les mitheurs lus dêbouêquent dé riage en riage.

Un tchîngnon d'gambe dé sofa dgette au liain
un dédgillon sus lé c'mîn, dêdgèrpi,
grînmé atout des rigoles. Lé trav'sain
continnue ses amours auve l'ouothilyi.

Lé coubar s'adonne en r'nonchiâtion;
la filyie est craînchie d'fale dé pigeon.
 

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises