|
L'affi d'la dgilliotinne, fraid sus la ch'nole, et l's ièrs froutchis tchi n'vaient pon la mort cliaithe; la rouoge grive gamade parmi les pieunm'tholes, les boûtchets d'hèrbe à puche et d'tchèrpentchiéthe. Hors les bornes, nou-s'abafouêthait l'pendard. I' fut s'dêpêchi pouor l'exétchution. La cop'thie d'têtes né veindra pon trop tard: s'i' s'adonne dé mouothi aniet, ch'est s'lon... Si l'victînme dé chutte justice est ouillinne, lé proposant lâque l'aleunmelle recta. Dans l'mitheux d'driéthe, v'là la dgilliotinne, et sa tête pus êlouongnie qu'lé Rouanda. La brâs'sie d'méta, l'adguch'chie d'affi: v'là eune affaithe tchi n'prend pon un clyîn dg'yi. Geraint Jennings
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: