Les Pages Jèrriaises

Eune ouothilliéthe sus eune fielle d'rouoge coucou

Eune ouothilliéthe sus eune fielle d'rouoge coucou:
la maîtrise et la pèrfection en brave;
la bête au Bouôn Dgieu est hors au Pérou;
au Pôle du Nord, la carpéleûthe s'engliave,
et l'poux s'caûffe ès P'tites Îles d's Êtats Unnis.
La moûque à myi envieûthe y fouôrre san nez;
la moûque à flieurs bragie s'en disgrâcyie.
Lé myi ieau-d'viesé a un gout r'lévé;
lé gardîn est tropique. Lé vêpre y pique;
la bête à chent pids s'caûche en bottes d'acyi
atout des dgiamants minnés en Afrique.
Lé cordonnage des însectes couôte bein chi.
La papillote lève lé dgéthet et danse;
la trie d'bouais pèrfectionne sa valse en France.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

 

Viyiz étout:

 

Les Pages Jèrriaises