Les Pages Jèrriaises

Les lampions ouident et rempadent les ambettes de Noué

Les lampions ouident et rempadent les ambettes de Noué;
les boutiques sont enronchies d'êtînchelle et d'veues;
les rouoges-gorges ont ponnu d's oeux d'anges pouor chavither
les chèrs du Nord auve lus traîné ès podîns d'flieu,

gâches fouôrrées, chocolats, tchêtinnes, chucrîns, codrettes...
Un mogue êbihangni f'thait mus qu'un vèrre d'crista
(bailliz-lus un lèrmîn pouor raînchi lus gardgettes).
Assez d'èrtèrgéthie! Mînniet sonne dêjà quas.

Sus l'parmésan dé tchêne, lé goub'lîn s'êgouffit
d'vaie l's encrièrs tue-topeux et les vênes-dé-loup,
les pets-d'nonne, p'liches d'orange et vâriabl'yes vèrnis.
La cône dé chèr boutait, épis pouor l'adgève-tout:

la bouaîs'sie s'êcliaithit atout des milles lampions;
les chèrs du Nord lus envitouîtent dé champîngnons.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises