Les Pages Jèrriaises

Lé pur jus coule à pîssot. Un ba-ouîn

Lé pur jus coule à pîssot. Un ba-ouîn
s'êbranle en génétha et, gŷnmnastique
dans sa jopînt'tie, sans mouontrer ses grîns
i' châque sa coue, hale sa langue, épis s'pique
au ras du tou d'preinseu. Att'lez les j'vaux,
dêpâssez la traiteûthe, pâssez eune dent
en pliastique, et ouaithe qu'lé tchian faiche des rouaux,
n'y'a rein dans la mobilité tchi prend
du cidre tch'a du pitchet. Dé souos l'amet,
les gŷnmnastes en joudgie n'y sont pouor rein.
Ch'n'est pon dé tchi dêmanniscorbulé.
Lé j'va d'trait fait ses touônnées, sauf et sain.
Lé tchian jouarde bragi et s'dêmobilise.
Înnouother tout chennechîn, ch'est d'la pièrchise.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises