Les Pages Jèrriaises

Lé méthe-en-c'mîn à maîntchi c'mîn est lâche

Lé méthe-en-c'mîn à maîntchi c'mîn est lâche,
s'lon la pliaich'chie globale à satellite:
l'appl'ye tchi cartchule les statistiques et mâche
en mèrtchant les cités, endraits et sites
publyiquement connus, si ch'est Australien,
ou Îndgien, ou des pays Antarctiques g'lés,
ou m'suthe tout jusqu'à un êclyîn ou rein.
L'almonnas d'cartes tchi sembl'ye ainchîn niblié
par des souothis digitales est r'tréchi.
La sentence n'est pon prononchie en tout:
nou n'sait pon où'est qu'nou-s'est sans saver tchi
qu'a viagi et donné les cartes dé d'ssous.
Un géographyi grugeux à la nage
tchi grînmaûde les grandes cartes auve san nibliage?

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises