|
Eune maîson à poupettes êtoupée et clioutiche; eune mallette èrcouôsue à garder touos tes s'grets; un canné dans tchi nyer tout chein qu'i' faut qu'nou r'diche; la véthité, j'té l'vend comme j'l'avais acaté. Eune chatourne pouor payi l'chein tchi dêchèl'la tout; du baragouîn pouor couer la compt'tie d'l'èrpaiethie; un ange dé mé noue d'près à seule fîn d'tchuler l'loup- -mathîn; les poupettes piochent. Un anichet muchi dêtoupe les contepéteurs, tchi n'en avaient ouï rein, les pâsse par sus la vesse dans l'couothant dé ch't' année. I' sont pus qu'êtrangièrs: ch'est des hors pârouaîssiens ès êcliandres dênichies tchi tcheuthent avaû l'canné. Les poupettes vressent sus l'air tch'est sus l'papi d'musique; la véthité est ch'lée, et l'canné d'dithes s'assique. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: