Les Pages Jèrriaises

Ch'est mînniet. La mé dêmontée tréhole

Ch'est mînniet. La mé dêmontée tréhole
nos rêves. La chithe dé bourdon graîsse la bouoche
dé la bâl'rêsse dé becque tch'êcliandre et dole
des pieaux et pitchelles dé vielles hannicroches.
Ch'est tout du gâchîn d'èrpitchant; la mé
bourdonne et dêtrousse des patholes mouaîsies.
Les malons maudits sont grées et grattés
coumme la mé monte; les louêmes remplyies dé d'si
happent à mînniet, néthes et graîsseûthes, malinnes
et minnées par les moûques à myi du r'sîn.
L'êcliandre mène la néthe mathée à la ruinne.
Nos langues laîssies dans l'pité et l'gâchîn
sont avraûnées, n'pouôrront d'aut' bagouler
La mé dêmontée tréhole à mînniet.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises