Les Pages Jèrriaises

Nos v'chîn don à nos ent'-caûtchi la niet

Nos v'chîn don à nos ent'-caûtchi la niet;
un hachot et un marté à lipper,
dans chu liet j'faîthons des carres et des rondes,
tchèrpentés ensembl'ye en eune coue d'héthonde.

Ch'est d'nos r'faithe dé not' folie, ch'est not' frou
tchi cache les nouages atout un marté d'v'lous;
j'nos nyons dans l'ciel dé grannit et d'bliue-pièrre
pus avant qu'autcheune creus'sie d'ouvrièrs.

Les nouages pâssent, les pièrres boulent, les héthondes volent;
nos langues entouortilyies prannent la pathole:
encliavés au liet, ch'est d'nos ent'-ouvri -
nos v'chîn à ces sé à nos ent'-caûtchi.

Geraint Jennings

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises