Les Pages Jèrriaises

Èrquéthi des corînthes dans l'avaû-no

Èrquéthi des corînthes dans l'avaû-no,
faîthant un êcart d'aniet au lendemain.
Entre aniet et l'pâssé l'us entré-clios
s'est êbahi pouor lâtchi l'an tchi veint
au tchoeu du solé. L'matîn veint brillant;
les nouages sont des f'nêt's tchi rithent bouônjour à
matîn. Nou vait l'ciel par l'ôsaine dé d'vant
en cachant à l'av'nîn à flieur dé bras.
Sans chucre ni cannelle, par bordée nou tchînte.
Lé myi dé l'arlévée brâle lé solé.
La bliête brûlante est parfénée d'corînthes.
Lé travèrs des f'nêt's-nouages nou vait l'malzard
tchi fait au lendemain d'aniet un êcart.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises