Les Pages Jèrriaises

Sans ombréthie l's êcaûdeûthes mé tormentent

Sans ombréthie l's êcaûdeûthes mé tormentent;
lé riveux chéti entrétcheint l'flianné.
J'pâle sus l'but d'ma langue auve un gouôttîn d'menthe
et d'thŷmbre tchi souôlage lé brûlîn d'solé.
J'ai gâchi mes patholes, beurré mes d'vis:
la leunmiéthe dé ma bouoche va à la d'rive.
Ichîn sans ombréthie, j'sis tout roûssi.
Lé fliâfliais et la fliann'téthie chétive,
sans lueu ni langue, nou n'peut pon entrét'nîn.
Nou riv'thait des silences atout des mots
qu'nou n'peut pon dithe par cause dé l'êcaûffîn.
Lé solé russèle en louêmes dé sitho.
La journée jouarôle et l's êléphants fliann'tent.
Sans ombréthie l's êcaûdeûthes mé tormentent.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises