Les Pages Jèrriaises

J'ri à en boster à vaie l'êprivyi


J'ri à en boster à vaie l'êprivyi
tchi dgêpe, gînde, droque, ramonte et fait des vars.
Mé, jé m'sis enronchi dans l'clios qu'êpyie
la sèrcl'ye. Chette-chîn ombre les pénîns et liards

d'man pid d'cauche. J'ri à en boster des sou.
Qué l'pas-d'âne, l'ache et l'cratchillon veingent spon-
-sorîser les rapacièrs tch'avolent. Nou
risquéthait d'trébutchi l'bein d'un donjon.

Les droves du châté dêbordent dé louis d'or
et d'ains d'argent. L'êprivyi dait voster.
La pêque est ristchabl'ye, mais la filerêsse dort.
Ch'est d'la moqu'thie et j'ri à en boster.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises