|
La poésie est ôccsie; encôffrez-la! Ch'est d'changi d'quart et faithe tchulbute d'ses mots. Lé sonnet crève au run d'faithe rîle dé gras; la clyich'chie d'rînmes coul'la dans l'avaû-no pa'ce qué l'rînmeux n'a pon d'discèrnément. Graie des vèrsets, ch'est êbaûchi d'la pièrre: châque lîngne s'sa stchulptée, enchîtrée d'chînment; la jouaintuthe d'adjectis et noms, advèr- -bes et belles prépositions, ch'est tout britchi, tritchi par ch't entrépranneux d'mortes patholes tchées au Stembre, entèrrées à jé n'sai tchi. La poésie souos les mèrgots, ch'est qu'ou niole. Halons un portrait d'la cheinne tch'a pâssé l'pas. Dé tchi qu'ou mouothit? D'la diarrhée. Geraint Jennings
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: