Les Pages Jèrriaises

Poudreûthe, la maîson d'fèrme en r'nonchiâtion

Poudreûthe, la maîson d'fèrme en r'nonchiâtion,
auve ses côtis laîssis paître ès coucous...
les vaques n'y sont nusse part. Ch'est qu'ès fîns fonds
pèrdus, j'sis à jé n'sais. J'fliotte avaû l'dou;
j'heunme ma vèrrée d'mînséthe, plieinne jusqu'au bord.
Couôte tchi couôte, j'lève lé coute en souôl'vant l'tchoeu.
D'vinn'-ous qué j'nyie mes néthes pons'rêsses d'amors?
J'pâss'sai l'pas, laîssant driéthe lé d'vinneux.
Si m's affits coutinnent dêchiffrabliément,
la maîson êbequ'tée en avalrague
êcrouôle, s'êffieillant des pièrres dé votte, sans
l's envyer auve les couochons Charles en Norouague,
en touâle d'fouâteunme ichîn-l'tou. L'temps êcoute.
Rein n'est d'aut' en t'nanche, ni bra d'méthe ni fout'.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises