|
Dans la caleu du Gardîn du Châté, souos les monts d'maît' et d'héliotrope tout l'tou, à la pliaiche dé ta c'mînse abandonnée, dé ta cotelle et ta câsaque en v'lous, j'm'êcanche à nouer des mèrvelles, dênouer l'hart d'l'affit brûlant parféné sus la bliête. S'n êcouocheûthe flieuthie crouaîse les vièrs remparts, pus êcaûffée qu'un Pulentchi tch'y fliête parmi les rotchièrs. Lé caud craque et cope; lé maît' et l'pavet baument nos cauches et braies, ensolilyies en grannit. L'héliotrope envitoue l'vèrt bantchet. La fîn du mais d'Mai nos enfliambe et fliann'te à nouos touos seurs. J'nos êtalvachons, nus dans ses caleurs.
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: