|
Olŷmpe ohieuse! Es-tu pouor râcoter chu feu pouor la chent-tch'ieunième fais m'brûler atout tan r'gard? Tchi sexisme dé pîmpette! M'fais-tu haler au tchoeu, en renvèrtchi l'dînner! L'êpèrvi fait des vars à m'chaûmêtchi la bielle; j'sis liée en hangne dé pot; la craqu'thie d'fouet fait fouah; la pîmpèrnelle prédit d'l'ôrage à v'nîn la niet; l'êpart s'en va rico- -cher. Ches Pâques racôtons d'èrtou à la caûchie. Ch'est împôssibl'ye dé t'pliaithe; tu'es têtouongne coumme eune chouque. Qué j'té chaûmêque, choumique! Tu'as l'mêché dans la huthe. J't'èrpaiethai, j't'en châle, en complyîments à la frouque, et ch'est la véthité: sîmpl'ye, entchiéthe, plieine et puthe. Malcomporte-té acouo et j't'êgrînfliéthai l'corps! J'en ai, dé té, l'tchoeu mo. J'en tchiêthai à sept bords! Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: