Les Pages Jèrriaises

Jônas fut engaûmé par eune baleine

Jônas fut engaûmé par eune baleine,
entchi, qu'i' dit, mais ch'tait raîque eune chiquenaude.
Au run d'explyitchi il en fit d'la laine.
Ch'tait la même tureluthe, des menn'ties, d'la fraude
înspithée par eune séthée sus la biéthe.
S'il avait 'té êcarté du paîsson,
il en éthait mantchi la dent d'driéthe.
En malentente attînse par la bouaisson,
il éthait mus tchée dans eune fôsse à caux
ou la fôsse ès lions d'Dannié (l'chein des rêves).
N'y'a pon d'explyicâtion, car ch'tait tout faux.
Nou va à la pêque, épis tout l'conte êv-
-olue: êt' êpliourdé par eune séthaine,
ch'est mus qu'd'êt' engaûmé par eune baleine.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises