|
Emmuthaillie dans la maîson hantée d'tan d'si, êpicie atout du tcheunmîn, tu m'espéthe, man tchoeu, strélîndgie sus l'liet, man trésor êtrav'lé, mus qu'du stèrlîng. L'unnion tch'est la nouôt' vaut bein pus qué d'l'or. Pouor t'èrjouaindre j'crouaîs'sais l'Ochéan Îndgien; j'restéthais aussi stupide qué d'amors; j's'sais eune ouaîs'lée d'fouaithe, un corps tchi n'vaut rein; j'empaût'tais t'n amour tchi s'êlève ès nues; j'dêpens'sais d's êtchus pînmentés, des louis chucrés. Ch'est qu'lé corps n'est qu'eune côsse. Ch'est dû d't'y vaie paîvrée et salée, d'sabilyie sus l'liet, embarrée d'muthâles et mèrvelles. Mais j't'èrhant'tai là où'est qu'tu t'êtravèle. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: