|
Au liet souos l'êdrédon, j'sis plianté dans man clios; les réchinnes au lîncheu, les j'tons à l'ouothilyi - entèrré ou à fliot, êtrav'lé sus man dos sus des louêmes en ouadinne, j'm'accliâsse en freunmant l'yi. J'embraiche la tèrre caûffée par un solé d'mînniet tchi lit néthement, cliaithement, au couochant du cagueva, et les rêves craîssent acouo, enronchis au chèrvé - eune sécouée d'sèrcl'yes sauvages et meutinnes sus l'mat'nas. Quand j'rueûque, un raclia d'rêves veint tchaie sus l'êdrédon pouor qu'tout l'dêm'nîn d'la lueu dêpense dans ma couochette en russ'lant dans les draps, arrouôsant les rions... et j'dormithai, assa, eune douzaine d'leunes dé siette. Geraint Jennings |
Viyiz étout: