|
Amont l'C'mîn des Moulîns j'rencontris des pithots tch'avaient l'esprit présent en présidence du pré. I' lus mâtîtent au dget en rallouongnant lus cos: tchi cont'nanche qu'i' prêchaient dans l'êcliat d'lus catchet! I' r'pèqu'taient des patholes, en êbliêtant des mots d'eune poésie prînmaithe, des bétchies à r'citer au pêtchant des vèrsets où'est qu'n'y'a ni pé ni p'lo, plieunmés duthant m'n apprèche pouor r'êcrithe tout l'troupé. Au pâsseux ès pithots, j'apprîns l'dgèrgon des clios et, libéthé d'ma bouoche, i' n'est pon d'bouchi l'bé. Les bliêtes et bliûtîns bueûlent au run dé m'faithe bécot; mes lèvres valconment mes d'vis, êpithouotent mes vèrsets.
Geraint Jennings |
Viyiz étout: