Les Pages Jèrriaises


Y'avait eune vîsite d'un membre d'la Fanmil'ye Rouoyale et nou-s'avait mâté eune grande tente pouor des festivités. Tchitch'un avait cliuté d's affiches sus les blianches côtes d'la tente par-dédans et avait laîssis des buts d'bande cliutée sus la pliastique. Nou r'mèrtchit chenna et dit qué v'là tchi s'n allait avrôner la tente, mais d'aut's dîthaient qu'nânnîn.

Dans la tente y'avait eune musique d'airain assise sus des tchaîses et i' 'taient à jouer eune antienne - mais ché n'tait pon justément Man Bieau P'tit Jèrri et jé n'pouvais pon chanter auvec. Par exempl'ye la clié n'tait pon la cheinne dé Man Bieau P'tit Jèrri et ouaithe qu'la mélodie c'menchîsse un mio d'même, lé restant 'tait difféthent. Chenna r'sembliait à eune aut' antienne mais ou n'tait pon chette-là nitout.


Rêvé l'16/8/2021

 

Viyiz étout:

 

Les Pages Jèrriaises