J'pâssis dans l'Vièr Marchi et eune partie du pavé du haut avait 'té arreunnée et meubliée pouor un sèrvice Orthodoxe. J'èrpâssis et j'èrmèrtchis l'corps d'un prêtre êtrav'lé dans l'aithe. Un aut' prêtre Orthodoxe avait 'té tué dans eune églyise dreinement et j'fus gêné. J'fus vaie si l'prêtre dans l'Vièr Marchi 'tait mort. J'mîns ma main sus san co et y'avait l'battement du sang qué j'pus senti. Lé prêtre n'tait pon mort mais i' 'tait sans connaîssance et y'avait du sang sus sa robe d'or.
I' c'menchait à faithe niet et j'n'avais pon d'téléphone pouor app'ler l'urgence. N'y'avait fis d'âme là-l'tou nitout tch'avait un téléphone. I' 'tait d'mêtchi don d'trouver dêliêment un kiosque dé téléphone. Y'avait des kiosques à deux pas du Vièr Marchi mais jé n'pouvais pon les trouver.
Rêvé l'10/2/2022
Viyiz étout: