J'tais dans un appartènement auve un tas d'livres. Y'avait d's ais remplyis d'livres lé tou des muthâles et des livres tâssées dans l'aithe coumme des muthâles. Ch'tait d'êchangi des livres dans les tas d'auve des livres sus l's ais.
Iun des livres 'tait d''l'histouaithe illustrée. Lé livre pâlait d'un Rouai George et d'un empithe dé l'Ûrope du Mitan et d'aut' parties du monde. L'empéreu avait l'avant à iun d'ses palais eune mathe auve un jet dg'ieau au mitan. Dans la mathe y'avait un grand êléphant mécannique tch'allait dans l'ieau l'tou du jet dg'ieau. L'êléphant 'tait en vèrte pièrre auve des pièrres précieuses, et la trompe 'tait mécannique étout et sé l'vait par bordée pouor êclyichi atout dé l'ieau. Y'en avait d's illustrâtions dans l'livre.
Pus liain dans l'livre, y'avait eune aut' stchulptuthe d'êléphant. Dans un marchi à Chelsea y'avait un jet dg'ieau auve des formes d'annimaux l'tou. Y'avait un êléphant grée d'eune frême en fé et tout couèrt d'un drannet dé lampions tchi lithaient tout blianc.
Rêvé l'7/8/2024
Viyiz étout: