J'têmes dans eune cârrosse tchi 'tait partchie dans un vièr bel. Dans l'bel y'avait du pité et d'l'hèrbe et l'bel 'tait entouothé d'eune muthâle en pièrre. Y'avait un bâtisse d'un bord du bel tchi 'tait eune partie d'un înstitut dé zoologie. D'un bord d'la grande porte y'avait eune fénêt' tch'avait un cra dans. J'èrmèrtchis eune grande lêzarde tchi grîmpait par lé cra et ava la muthâle. La lêzarde 'tait d'la grandeu d'eune pétite crocodile. J'pensis qué nou dévthait dgèrni tchitch'un qu'eune lêzarde s'tait êcappé d'l'înstitut. J'nos en feûnmes sonner à la porte dé l'înstitut mais i' n'sembliait pon y'aver du monde, et i'pathaîssait qu'la porte n'tait pon faite sèrvi. Mais v'là tch'appathut driéthe la f'nêt' un êtudgiant d'l'înstitut tchi nos sîngnalit qu'i' n'y'avait fis d'âme en chèrge, mais qu'i' s'en d'ment'tait d'la lêzarde. Jé dis qu'j'avais veu la lêzarde dreinement s'sîlyi souos la cârrosse.
Rêvé l'29/7/2025
Viyiz étout: