Les Pages Jèrriaises

Un rêve

J'tais dans un bâtisse coumme la Blianche Maîson en Améthique. Jé sortis d's offices et driéthe lé bâtisse y'ait un grand partèrre d'hèrbe tchi n'tait pon exactément pliat. J'tais auve eune femme tchi mé d'mandit tch'est qu'jé viyais. L'avant à mé y'avait deux bels à balle à dêtre et sénêtre, et des gens chîn' et là sus l'hèrbe. J'dis à la femme qué j'viyais eune stchelette vivante tchi 'tait à marchi en job'linnant près du bel à balle à sénêtre et qu'i' y'avait eune gamme dé rugby dans l'bel à balle à dêtre. Lé bel 'tait entouothé d'un drannet d'fi d'fé et 'tait vraînment trop p'tit pouor les deux êtchipes à jouer d'dans.Y'avait justément assez d'run pouor eune mêlée. Y'avait des vaituthes sus l'hèrbe driéthe nous à dêtre. D'un co la balle s'envolit dé d'dans la gamme dé rugby et s'en fut vèrs les gens sus l'hèrbe parmi les vaituthes. La balle tapit un houmme bein fortément dans la fache. Y'avait du sang.

Rêvé l'15/11/2026
 

Viyiz étout:

 

Les Pages Jèrriaises