Nou proposait d'bâti quat' grandes hôtels au Mont du Gouvèrneux. J'tais à pédaler amont l'mont acanté d'aut's cyclistes. Y'avait eune pathe dé jannes femmes tchi pédalaient eune bike à deux, un tandem. Épis y'avait acouo eune hardelle sus sa bike. Un mio amont l'mont y'avait un clios à s'nêtre où'est qu'i' y'avait d'aut's cyclistes - des jannes gens. Nou-s'êprouvait des bikes, et en faîthant chenna nou mêlit les machinnes. Les femmes à tandem n'avait pon d'problième: i' r'trouvîtent lus bike à deux et décidîtent d'changi d'pliaiche, auve la cheinne dé d'vant pouor pédaler en driéthe, et l'aut' à prendre la pliaiche dé d'vant. Mais mé, jé n'pouvais pon r'trouver ma bike.
Rêvé l'24/8/2023
Viyiz étout: