Les Pages Jèrriaises

Des rêves

Sus eune plianète y'avait ieu eune grande g'luge et n'y'avait pon hardi d'tèrre dé restant. La mé avait couèrt la majorite d'la tèrre. Mais les nyés n'taient pon morts: il' avaient 'té transformés en ieau. Nou viyait des faches sus la susfache de la mé. Les nyés pouvaient lus dêhaler d'la mé et marchi sus la tèrre tchi restait mais coumme i' lus assitchaient il' avaient à r'aller dans la mé.

Ch'tait eune journée d'activités sus eune fèrme ou dans d's offices dé fèrme. Des femmes 'taient pouor donner des présentâtions. Y'avait des vièrs documents, des scrits auve des poésies sus des buts d'papi. Nou m'donnit un but d'carton sus tchi des adgulles a couôtre 'taient cliutées dans eune rangie et qu'nou pouvait jouer coumme eune hèrpe.

Rêvé l'14/11/2026

 

Viyiz étout:

 

Les Pages Jèrriaises