Les Pages Jèrriaises

Un rêve

Un homme vînt taper à l'us d'ma chambre. Il avait r'gret dé n'aver pon peu m'pâler d'vant. Jé n'savais pon comme tchi qu'il avait peu entrer siez mé. J'lî dis qué j'avais à raller par dédans à ma douoche.

J'tais achteu en r'tard pouor aller à la fête Nouormande tchi 'tait d'prendre pliaiche sus les sablions des grèves du châté à bâsse mathée. Ch'tait la preunmié fête dépis eune pause et j'voulais r'vaie m's anmîns. Ayant 'té copé court, ch'tait raîque en couothant par les rues qué j'réalîsis qué j'n'avais pon finni dé m'changi dans man costeunme. Jé m'dis qué j'pouôrrais danser sus l'sablion sans saûlés, et ch'tait trop tard d'raller siez mé pouor m'rabilyi en tout. Y'avait un fliotchet d'monde sus l'sablion prêt pouor la fête.

Rêvé l'21/7/2022

 

Viyiz étout:

 

Les Pages Jèrriaises