À Prague la police avait des vielles jaunes vaituthes. La ville s'est gliaichie et y'avait des pieuvres par les c'mîns. Ches pieuvres 'taient grôsses et blianches auve des courtes gambes. Les gambes avaient des blianches plieunmes ou tchiquechose coumme des plieunmes sus. Les pieuvres lus silyaient par les c'mîns, sus les trottouaithes, et lus jutchaient sus des raccros sus les côtchiéthes des bâtisses d'la ville d'eune vielle architectuthe. Y'en avait d'ches pieuvres tchi 'taient hardi grandes, pus grandes qu'eune pèrsonne, mais la mâjorité avaient dans un mètre dé long. Y'un des policemainnes 'tait bé coumme un dgieu Grèc et attriotchait les femmes. Nou-s'en avait fait un portrait en crtons d'couleurs, mais mé j'm'en fus l'travèrs d'la ville souotre des pieuvres. Quand j'arrivis à la grande plièche, jé décidis d'vîsiter la gal'lie nâtionnale.
Rêvé l'28/6/2024
Viyiz étout: