Les Pages Jèrriaises

Un rêve

Dans man rêve, jé savais qué ch'tait un rêve et qu'la campangne n'tait pon rielle. Les bouais les pus près 'taient quâsiment natuthés, mais les bouais driéthe ieux 'taient des silhouettes en bouais peint, épis au fond ch'tait un grand ridgieau peint auve des bouais d'ssus.

Y'avait des rues d'campangne tchi 'taient êcliûthées, et j'tais à pédaler ma bike souongneusement. Dans eune rue y'avait un blianc sofa motorîsé cachi par deux jannes hommes tchi s'appréchit d'mé. Jé l'pâssis bein douochement et m'en cârrant souongneusement. Iun des jannes hommes vînt un mio mârri et mé d'mandit pouortchi qué j'les avais pâssé d'la manniéthe. J'rêponnis qué ch'tait raîque pouor la seûth'té. I' m'èrplyitchit: j'n'avais-t-i' pon veu un moto-sofa d'vant?

Rêvé l'20/1/2023
 

Viyiz étout:

 

Les Pages Jèrriaises