I' tchiyait d'la plyie et don j'entris dans l'înmeubl'ye par eune difféthente porte, un mio pus liain qué la porte dé couôteunme et j'éthais à marchi l'long d'l'allée pouor arriver à l'appartènement. Y'avait des vars et des montées dans l'allée et j'arrivis à eune bibliothèque au mitan d'l'înmeubl'ye qué j'n'avais janmais vîsité d'vant. Ch'tait eune vielle bibliothèque èrgrée dé la cheinne tch'avait existé d'vant, auve des vièrs magâsîns en voleunmes et des bulletîns. J'pâssis par la bibliothèque et trouvis des gens à l'aut' but tchi 'taient v'nus pouor vaie des livres. J'rencontris deux pèrsonnes dans l'allée en d'houors d'la bibliothèque tchi 'taient d's acteurs tchi r'présentaient l'Empétheu Napoléon III et l'Împéthatrice Ûgénie. Lé monde fîtent des révéthences et l's acteurs nos pâlîtent en caractéthe. Ch'tait eune partie d'l'art încorpouothé dans l'bâtisse. Un mio pus liain j'entris dans la salle dé bain tchi 'tait ênorme en tuiles dé bliu marbre. Y'avait un texte poétique êcrit sus les muthâles et l'pliafond en bliues lettres. Ch'tait un texte érotique. J'voulais m'êtalvachi sus un banc en marbre tchi 'tait frais et rafraîchissant.
Rêvé l'10/2/2026
Viyiz étout: