Les Pages Jèrriaises

Un rêve

Lé solé lithait et j'tais à pédaler en Ville. Mais des paithièrs avait crû tout l'travèrs d'la grande route. Les branques 'taient bâsses et faîthaient coumme un pliafond tchi couvrait la route à haûteu d'tête. Les bâsses vaituthes pâssaient en d'ssous des branques, mais mé j'avais à m'baîssi pouor pâsser sus ma bike, en protégeant ma tête contre les jaunes paithes atout un bras. Ché n'tait pon aîsi d'pâsser et les paithes mé tapaient sus la tête et j'craûlais sus ma bike. J'm'en dêhalis justément d'vant les veues du carrefour. Les veues n'taient pon aîsies à vaie mais i' 'taient vèrtes et j'pédalais dêliêment avaû la route.

Quand j'arrivis à l'entrée d'la salle où'est qu'nou 'tait pouor pratitchi d'la dans'sie, l'entrée 'taient remplyie d'valises et bagages qué nou-s'avait r'mué dé d'dans la salle. Nou 'tait embrontchi.

Rêvé l'16/3/2020
 

Viyiz étout:

 

Les Pages Jèrriaises