Ch'tait d'vant eune gamme dé rugby et j'tais auve les deux êtchipes tchi 'taient mâtées ensembl'ye. Y'avait d'aut' gens là étout. J'èrmèrtchis qu'les joueurs d'eune êtchipe avaient un p'tit noeud dé g'veux coumme un tupé sus l'haut d'lus têtes. Jé d'mandis pouortchi, et les gens rîtent dé mé pouor n'en saver rein. J'n'avais pon rêalîsé qué ché n'tait pon touos les joueurs dé l'êtchipe tch'avaient lus g'veux noués d'même. Ch'tait raîque les joueurs dé cèrtaines positions. Mais y'avait iun des joueurs tchi n'jouait pon dans ieune dé ches positions tch'avait décidé d'aver ses g'veux noués tout coumme. Jé n'dêcouvris pon la raîson pouor les noeuds dé g'veux en tout.
Rêvé l'3/11/2026
Viyiz étout: