J'ramontis à haut dans la maîson dêliêment pouor trouver des cauches. Les cauches 'taient néthes et avaient tchique patron sus. En pâssant dans l'allée j'vis par ieune des f'nêt's qu'i' y'avait un baté à deux grandes vailes l'avant à la maîson. Jé n'viyais qu'lé haut des vailes et don j'fus à la f'nêt' pouor èrgarder en bas. Là-bas l'avant à l'us d'la maîson nou-s'avait partchi un deux-vailes tchi 'tait couèrt dé portraits comme décothâtions pouor un parti dé dédgisements. Et les mousses avaient 'té dans l'baté. J'avais à m'graie viyant qu'nou 'tait v'nus dêjà m'crier pouor lé parti. Êtrav'lé sus l'liet j'réalîsis qué jé n'pouôrrais pon mett' mes cauches sans mé l'ver et en tout cas j'n'avais pon mes bottes nitout. Et mé v'là rêvilyi au liet sans comprendre pouortchi qué jé n'pouvais pon mett' mes cauches. Et j'tais un mio gêné. Mais j'n'avais pon d'cauches à la main pa'ce qué j'ai 'té à dormi et ch'a 'té un rêve.
Rêvé l'19/11/2022
Viyiz étout: