Un rêve

J'tais à la côte dans un pays où'est qu'nou pâlait l'Espangno. Lé solé lithait. Y'avait eune falaise et avaû chutte falaise y'avait eune rue toute bordée d'flieurs - sustout des roses et des rouoges - tchi d'valait en chénoles du haut d'la falaise jusqu'au pid. La rue avait nom El Paseo et les jannes gens du pays aimaient bein lus pronm'ner par chutte rue - ch'tait tchiquechose coumme eune couôteunme d'auprès l'êcole ou l'collège d's'y traûler.

Mais les jannes gens 'taient dangelés par les vaituthes tchi quédainaient avaû les chénoles - car i' n'y'avait pon d'trottouaithes. Et nou mé d'mandit l'avis pouor coumme tchi molli d'vitesse les boulants. Mé, j'dis qu'i' y'avait des mouoyens d'èrtréchi les vars à seule fîn qu'les vaithuthe né pûssent d'aut' quédainer. J'pâlêmes entouor tout chenna quand j'arrivînmes en bas d'El Paseo sus la pronm'nade lé long d'la mé. Y'avait du sablion et les jannes gens souôriaient.

Rêvé l'19 d'Févri 2013

Viyiz étout:

Merrienne a un mauvais rêve

Ph'lip et son rêve

Merrienne et sa couvertuthe électrique