J'tais assis à eune tabl'ye dans les choses publyiques l'avant à eune aubèrge auve deux-trais femmes et un coupl'ye dé jannes mousses. Lé solé lithait. J'tais pouor raconter ès mousses un conte à l'entou d'l'âtre entouor eune crêpe tchi voulait êt' un dêjeuner. Et j'avais des objets pouor présenter l'conte. Au run d'eune crêpe jé faîthais sèrvi eune tranche dé jambon, et ch'tait d'couochi l'jambon dans eune pétite lachefraie sus la tabl'ye pouor èrprésenter un bèr. La tranche dé jambon 'tait pus à co cajelinne et en couochant l'jambon dans la lachefraie, i' fut trilyi et et s'nièrchit comme du tchui. Eune sèrveûthe ès bruns g'veux sé dêhalit d'l'aubèrge et m'offrit un êssuie-tâsses pouor èrprésenter un blianket pouor couvri la crêpe tchi voulait êt' un dêjeuner. La sèrveûthe né comprannait bein l'Jèrriais mais ou voulait m'aîdgi auve la présentâtion du conte.
Rêvé l'25/12/2022
Viyiz étout: