Y'avait un rouoge r'vénant fliambant tchi volait horizontalement et bein quédaine lé tou des grôsses colonnes en pièrre d'un châté ou d'un aut' grand bâtisse (mais chén'tait pon eune églyise ni euen cathédrale à chein tchi pathaîssait). Chu r'vénant fliambant volait l'tou des colonnes à eune haûteu dé dans les un mètre et d'mie. Lé r'vénant 'tait habilyi dans chein tchi r'sembliait à un lîncheu en cannevas tchi 'tait rouogeâtre ou breunâtre et tchi 'tait en chiques et étout à feu, comme i' volait l'tout et l'tou d'châque colonne en pièrre.
Mais les fliambes du r'vénant vîntent dêteintes et i' 'faut d'mêtchi d'ralleunmer lé r'venant tchi volait tréjous l'tou des colonnes. J'prîns un saque-feu à cigarettes et m'accliutchis au bas d'eune colonne et comme lé r'vénant pâssit par d'ssus d'ma tête j'tîns lé saque-feu à haut et tâchis d'ralleunmer l'habit du r'vénant. Mais si ch'tait qu'lé r'vénant volait trop d'eune ièrre pouor qué la fliambe dé man saque-feu happîsse les chique ou si lé r'vénant né brûl'lait d'aut', n'y'eut pon d'rêffet, et lé r'vénant dêteint continnuit ses rondes lé tou des colonnes.
Rêvé l'16/2/2022
Viyiz étout: